最近，聽左一個音樂會。今次，我又可以作一個古仔啦！

個故仔係咁嘅，有一個小男孩獨自穿過幽谷（用沈重嘅音樂表達） ，之後，小男孩更遇到壞人，佢博命奔跑（用一連串唔和諧嘅音啊表達），最後，得返佢一個人係幽谷中徘徊。

其實，係咩樂曲呢? 其實係以下嘅樂章：

Krzysztof Penderecki – Song of Cherubim (1987)
Witold Lutoslawski – Funeral Music for Strings (1958)

呵呵呵，想像力係咪好足夠呢⋯⋯

呢啲音樂可以在Apple Music 都搵到。

當然，主菜係莫札特嘅c小調彌撒曲。個女高音嘅head voice好靚同好大聲，佢仲示範咗幾款唔同嘅head voice唱法，獲益良多！

其實，我的高音係同以前屋企隻貓學的。你唔好睇隻貓細細隻，但佢都係用head voice的，要大聲上黎，都好嘈架。

在西方，人人都認為高音係天賜的，唔係人人得，而且越高音就同神的距離越近。在技巧上都係認為就只有head voice先可以唱到超高音，在東方都係咁樣認為的，但只有文獻留落黎，詳情可以用武俠小說對武功的詳細描術。

最近，我成功用一啖氣游了25米，這當然係我苦練左幾廿年嘅功力。我最鍾意係水裏面感受大自然和自己嘅關係。

我細個嘅時候，就會出盡力去游，但點都游得唔快。當時，當然覺得係我嘅技術未到呢。所以，我不斷改善我嘅姿勢。速度係有改善，但我發現到水嘅阻力，可能先至係關鍵。但係水嘅阻力，我改變不了。

知道嘅時候好沮喪，但仍然明白到世界唔係圍住我轉。所以，我改為用一啖氣可以游幾耐。游到25米係一個里程碑，但最近更加體會到中國功夫裏面氣嘅運用。

我對中國功夫嘅認知，係盡量發揮自己嘅潛能。氣嘅運用係其中一瓣。我嘅認知係，人嘅動作係靠氧氣和血糖產生嘅能量黎移動，點樣提升氧氣嘅燃燒效率就係關鍵。呢個係我嘅估計，有可能係，其實我只不過係增加左肺活量⋯⋯

昨天，欣賞了音樂界的勝事 — 比才-卡門。今次係邀請了國際星級演唱家演出，並由香港小交響樂團負責現場演奏，陣容頂盛！！

這次的演出將全球上演次數最多，最為人熟悉的歌劇搬上舞台，其中的難度可想而知。近年很多導演都根據自己的想法和概念重新解讀這部作品，希望把自己與其他人區分出來，創作出一套別具一格的作品。

導演從歌詞，音樂，戲劇結構籌劃他的舞台。他把卡門塑造成依家的女主角，這並不是說要她著今日的時裝，而用當今的手法指導女主角演出。要令戲劇帶著現代的氣息上演，道具或服裝並不是重點，而是導演指示演員表達的方式。

我十分讚賞導演的這份意念，因為他係將卡門的故事搬到現在，令我在欣賞的時候不禁問下自己，如果我係卡門會點，假如我係荷西又會點。當年的卡門又同依家的卡門又有咩唔同。

導演設置了一個不同同心圓的旋轉舞台裝置，把鬥牛場，大山內，人來人往的城中市集，氣氛親切的酒館等都表達出來。這些佈景並非採用烘托氣氛的場景布置，而是以舞台美術手法設計，引導觀眾進入各個角色的心靈。精心的設計令表演者的演出效果增色不少。

至於音樂更加難得，邀請了國際星級的演唱家來表演，唱功一流，表演張力無限。當然，導演被左唔少空間被演員，如果演員少d氣勢都架于唔到，但係，最令人鼓舞的是本地的專業青年演唱家的演出得到大師們的認同。再者，合唱的和唱一流，無論音準，音色以至舞台張力都令人難以忘懷。

對我來說，卡門係一個樂於周旋係不同男人的張狂女子，令深愛她的荷西在得不到她時殺了她。在西方，性感係不等於粗俗，愛慾不等於色情。但傳統的中國人由少到大都有一個包伏，在三千年前已經流傳的問題：人同禽獸的分別，你點樣同禽獸俱分？ 所以，西方可以好開放咁講性，在舞台到有性模放行為都接受到，但我真係接受唔到囉。

不過，除了這點，今次演出真係一個難忘的體驗。

最近苦練緊Handel’s Messiah，將會在4月表演，當練到He trusted in God，被她的旋律深深吸引，繼而研究了她一下。她的歌詞很簡單，如下：

“He trusted in God that He would deliver him, let Him deliver him if He delight in him.”

就眼睇，這首Chorus 係一個堅信神的教徒的信條。

但詭異的是她之前的Aria, 歌詞如下：

“All they that see him, laugh him to scorn; they shoot out their lips, and shake their heads, saying:”

所以，其實歌詞係講緊異教徒取笑緊教徒在苦難中仍然堅信主的來臨。

下！掂得架，我唔係信徒都唔會取笑信徒啦，而且這首Messiah是獻給皇帝的，更加唔會係咁意思啦。

好！再查下，發現歌詞係來自聖經詩篇22章第7-8節，而這章的確係紀錄在耶穌出生前受迫害的教徒如何堅守信念。我可以想象在耶穌出生以前，異教徒如何迫害教徒，在迫害中，教徒如何堅守他們的信條？就係唱這篇詩篇了。教徒的歌聲中加入取笑者的笑罵，形成對比。

但，到了Handel’s Messiah時代，16世紀的大英帝國，教徒如日當中，Handel 如何arrange呢？ Handel 的arrangement係之前的取笑係出自一個人的口，而之後係Chorus。可以代表教徒的聲音已經高過異教徒的聲音了。

在練緊的時候，成班choir都熱切討論這首歌，我先可以寫得出這篇文，💋。

今次係我第二次欣賞這個合唱團的表演，你以為佢地淨係演出古典音樂咩，今次就表演了超現代的樂曲–太陽頌歌。 今次的表演探討了神聖與世俗這兩個世界的交匯。

西方音樂係發源於對神的敬拜，早期以人可以哼唱的Melody為主，但到了太陽頌歌，作曲家將不少的電影配樂的效果加入表演中，你會一路好奇她手上面的器具有咩用途，用完你又會哦一聲，源來電影入面這種聲音效果係咁樣整的。另一面，你又用耳朵去仔細整合個樂章，好忙哦。。。。。。

太陽頌歌寫於1997年，分成四大段：

1. 頌揚造物主與祂的受造物：音樂表現於大提琴與合唱的對答

2. 頌揚造物主與祂所造的風水火土：用不同的方式表現風水火土

3. 頌揚生：

4. 頌揚死：用男低音雄厚的聲綫刻畫死亡樂章

聽完，你會發現現代音樂已經完全同古代的音樂唔同，我覺得現代的音樂忙於表現唔同的聲音，再將佢們編成有內容的樂章。但對樂器的技巧有超高的要求，好似太陽頌歌咁，個大提琴家要一路調音，一路演奏，不用試音，便能夠調到key，呵呵呵，少D功力就當場失手了。。。。。。

但其實，我偏好Melody多D，一來易D入腦，二來我認為Melody係神通過人的溝通渠道，點解呢個do之後係re，咁樣咁樣又會好好聽，冇得解的，得個7個音，但組合起黎又千變萬化。

今次，我就有機會聽香港職業的表演了。。。。。。 wuwuwu 他們表現出無可擊的走位同精準高質的演奏，令我這個對意大利歌劇冇興趣的人都好奇了。我坐在ZB，但係歌聲就好似在耳邊呢喃一般，扣人心絃。短短的選段就已經有十多個high C，尤其是當個Soloist 頭一Fing, 個high C就好似龜波氣功咁發散到個hall的每一個角落，這份功力真係震攝全場。而因為今次只表演選段，Soloist 都係隨心地展現劇中的情節，令到自身的魅力的發揮更加無限。

更難得的係，參與演出的每一個人對自己及其他人的工作範圍都好清楚，幾時要特別留意邊個，幾時邊個lead等等，正正展現出幾廿年的默契，這份人情味叫人落淚呢。 wuwuwu 香港地呢d走位默契真係未見過。

回想返盧景文先生在六十年代在羅馬的劇院工作，當時係要搭幾個月船先到到羅馬（我搭多幾個鐘飛機已經嘩嘩叫），在當時當地，華人更加少之又少，但盧先生不但能夠生存到，仲可以學到唔少秘技，返到香港仲可以將呢D辛苦R返黎的秘技無私地無條件地教被香港的學生，依家仲有冇咁嘅人？

昨晚欣賞了一個非常高水準的音樂會（聽落同職業的一樣，但就少了匠氣，多了些靈氣），最難得的係冇一個表演者係靠音樂開飯的，因為他們大部份都係學生，有不少都唔係major 音樂的，簡直係人材大哂冷，能夠有幸參與這場音樂會，小女子三生有幸。

正當我愁緊我的節奏感有問題的時候，這場音樂會就表演了出色的節拍，鳴。。。。。。他們只不過一齊練了4次，全員到齊的時候就係表演的時候。所以，我深深感受到音樂係要由細培養，冇速成的。

這令我回想起同一班媽媽們吹水的趣事。音樂係要由細培養的，但唔係每個都係貝多芬架，咁子女練習的時候，唔係每次都走得到，這時候，大家都會比較邊樣樂器最難頂，最慘係仲要考媽媽們的演技。。。。。。

涯過初學，聽到似首歌喇，不少子女都會對樂器有D要求了，錢係一煩，但係地方擺唔擺得落先仲煩，好似鋼琴，如果個子女要求個三角琴或者Organ，你就真係頭痕啦 。。。。。。

最近，在香港的教堂聽了一場16世紀的歐洲音樂，個指揮仲特登由英國請來指導。

其實，東西方都認為音樂能令人同大自然聯繫上來。

你覺得很疲倦，好想瞓，甚至瞓著左都好自然，這就好似你meditation 咁，精神介乎在醒著同瞓著之間，meditation 就會教你如何同大自然溝通，有時失手就會就甘瞓著左。

但東西方不同之處在於，西方將這些音樂用當時的方式紀錄了下來並保全至今，今天我好幸運地能聽到這些音樂。

而東方則認為音樂的表演係同大自然溝通的手段，音樂不重要，重要的係你的理解。在古代禪宗的寺院，他們會一個一個咁加入和唱，即係jam歌啦。但依家應該已經失傳了。

PS. 其實，以前聽音樂瞓著左，d音樂家會十分自豪，因為你放底你的shield，令他的音樂能進入你的心靈。