Bible inspiration and some little notes
今天欣賞了一個超乎想像的音樂會，我可以幫她作故仔添⋯⋯
第一幕：哂馬，展示quartett 的技巧，表演者的提琴根本就是表演者的身體一部份。
故事則是：世界不停循環，一時和諧，一時各自發展，一時衝突四起。來回幾次後。核彈在各人手中不停來回（輪唱方式演繹），終於爆發！
第二幕：這時候有一首太空船成功向宇宙出發，但經過慧星帶，九死一生。
第三幕：開始向著冇邊際的宇宙出發，這時候鄉愁啊⋯⋯跟著懷念故鄉的事（以輪唱方式演繹鄉音，同第一幕呼應，同不同人表演還可以用不同的鄉音）
Hehehe 個作者見到會唔會嘔血呢⋯⋯
這陣子我都會行超級市場同自己煮飯，行行下，我發現一條鯖魚柳在特價的時候可以低至$5.3一條， 正價都只需要$7.9。 發現的時候驚為天人， 因為燒鯖魚都係我的至愛，在街到食，閒閒地都要一百幾拾。當然，入了很多貨。
但。。。。。。 依家食食下會覺得索然無味。。。。。。。
係我改變了嗎？還是，價錢的真相左右了味覺。。。。。。我又有幾多係食緊個marketing。。。。。。
同樣道理，在網到睇到D社會實驗：同一個小女孩以不同的造型行在街同餐廳，會有不同的遭遇。睇的時候，我都覺得我唔會以貌取人。但。。。。。。血淋淋的鯖魚在面前。
這就是Marketing的威力。
當然，鯖魚的Marketing唔係最powerful的。在超級市場最厲害的，我相信是和牛。在街到食要一千幾百，在超級市場見到都賣緊三，五百一塊。日本人不單定價貴，還食住物以罕為貴，以及市面上係冇冒牌貨的。 這樣的Marketing實在令人佩服。
最近聽了STEELPANS 的音樂，表演者解釋了STEELPANS的歷史：在英國殖民統治下，土人是禁止發信號的，所以所有樂器都禁止了。但路不轉人轉，所以出現了STEELPANS。平時佢係一隻煮飯的煱，但有需要時佢就是樂器⋯⋯
其實，香港都係殖民地，大家的待遇都差不多的，但點解香港能成為國際金融城市呢？我覺得消息的傳遞同大家的走位都好重要，有需要的時候，有d人就是黑社會，專門搞破壞，但有d人就是説客，專門同d鬼佬解釋中國文化。兩者需要的勇氣都沒有兩樣。
發展到依家，走位已經發展到人生規劃了，你想做咩都有詳細的路線圖提供參考。若果想刺激d，同大陸的融合(一定冇路線提供)肯定令你更酷的。
今年是海洋公園四十週年，香港人可以以優惠價40元入場。我都去了。
這兩個星期都與朋友一起行麥徑, 邊走邊聊, 分享中學時期參加野外定向的往事.
當年十分勇, 與同學仔從不運動的一起參加5日4夜的行山團. 食物, 營具等等共重20KG. 就這樣背著通山走. 其中一次是我們太遲到達checkpoint, 山嵐太大, 前面是沿山峄, 兩面都是懸崖的路. 過不了. 於是我體驗了路是人走出來的.
當第一個行完, 第二個亦覺得這條路行得通, 路就出來了. 當這條路人人都覺得好, 小徑便能成為康莊大道. 相反, 當人人都覺得這條路搵笨, 小徑便消失了.
當然政改是更嚴重的, 一開始便應有學術理論的支持, 以及更多人的參與方能成為人人支持的康莊大道.
There’s always requests for querying the readiness of the data, particularly when it involves data synchronization between several databases. In practices, the report design can help in the above myths. The best design that I came across is the information of the report generation like report generation time stamp, user id will even be recorded when the user trigger the generation of report into a log table. This helps a lot when answering the above user queries. But of coz’ this will increase database size which implies cost impact.
最近，因為換樓的關係，有機會寄住豪宅一段時間，更巧的是我換工，有機會細味這個豪宅，體會了看更的差別待遇。
因為我實在好得閒，觀察人都係我的嚐好。我發現其中一個看更對有D住户會親切地幫手開門，按LIFT。 大部份只會DO卡，小部份更會睇唔到。。。。。。根據我的觀察，這是因人而以的。我之前住的樓D看更就不會被我觀察到以上的現象，可能我唔得閒理佢地啦，但ANYWAY， 我發現左新大陸啦。於是，我的聯想力已經去到擦鞋文化的來由同對人的影響，仲有特權人仕為何需要特權去改變世界，有錢人為何要求人性化服務，最重要係服務性行業如何在這個議題下自處。
最初，我見到個看更的差別待遇，我覺得噁心，佢點解要貶低自己咁樣迎合人。同友人討論下啦，佢更抵死地話呢個係供求問題，有需要自然有供應……
中國文化偉大之處, 在於很多的古語仍然能夠活用於現代. 好似:
禮 = Ceremony Attendance, 因為階級觀念漸漸模糊, 儀式賣少見少, 現在較著重個人style. 亦因為溝通方法多了很多, 參與儀式的需求亦減少.
義 = Amount and Quality of Volunteer Work that you did, 依家都係企業請唔請你的指標之一.
廉 = Desire Management, 可以買的東西很多, 不再受階級觀念限制. 嗚…..所以要妥善管理一下.
恥 = Degree of Courage,因為現在較著重個人style, 所以恥亦都個人化. i.e. 睇你臉皮有幾厚啦.
勇 = the Art of when to be passive/active, 幾時進幾時退都係一門藝術, 共通點都係需要勇氣來支持.
法律的定位是希望所有人都遵守, 但總是事與願違, 因此有執法人員的出現. 為免執法人員濫權, 於是有司法人員的出現. 立法, 執法, 司法三方面互相制衡, 這就是三權分立.
一般認為古代的皇帝以至地方官員均集立法, 執法, 司法三大權於一身, 容易造成權力的濫用(from wikipedia).但這個問題是否在中國三千年文化中不曾遇上呢? 知易行難呀! 是否現代的社會就因此減少了濫用權力的問題? 還是濫用權力的問題是因為其他原因所以減少了呢?
從另一方面看, 在一個團體裡都會有一些領袖的出現. 當一個團體遇到另一個團體, 領袖就代表團員同另一個團體作出協商決策. 問題就在於這個領袖得到幾多團員支持和佢有幾多百分比是從團體的角度出發呢?
而當團體是代表一定數量的人口, 三權分立是有效地發揮互相制衡的作用, 但去到十幾廿人, 或者幾十人的鄉, 村的人口, 三權分立便無濟於事了.
PS 有時會看到一ｄ好好笑的條例, 這令我想到條例都要人支持的, 不是立法的通過就是.
最近, 同朋友閒聊, 談及對生活滿意否, 談著談著, 更想將”知足常樂”其中的”足”對應到英文的名詞到.
朋友提議fulfillment, 我則否, 因為fulfillment 雖要為full 作出definition 先, 之後先量化fill up%. 從而客觀地標示出如果一個人達到某些客觀的標準, 佢就會感覺到fulfillment 啦…..
我則選用spiritual satisfaction 啦, 之後更覺得冇一個英文的名詞能相對. 因為”足”代表一個concept, 在中國人圈子裡代代相承.
返家後, 仔細地思考一下, 如果成個成語翻譯會簡單D, 但亦只能表達表面的意思, 我會咁譯
知足常樂 = You will find happiness when you treasure what you had.
但咁譯只能表達到一個人留戀過去, 並未表達到足的將來性同積極性.
這時候就想起中學時讀過唐君毅先生的一篇文章, 這篇文章融會中國的理念, 並用當時西方的觀念組織起來.他提出人在滿足了生物層的需求後, 便需要主動地追求文化層的滿足, 最後是追求精神層次的滿足.
讀的時候, 不多明白, 但隨著年齡的增長, 慢慢便有些體會.
<足> 對我來說是一隻裝水的溶器同溶器入面的水的關係,
Eg. 你只有一隻茶杯的水, 但你的溶器是湯煲, 怎樣你都係空蕩蕩架啦.
Eg. 你的溶器係一隻茶杯, 但你的水是水龍頭, 怎樣你都係滿架啦, 但你亦只盛有一隻茶杯的水.
Eg (最ideal的情況) 當你發現你隻茶杯就黎滿, 於是你換一隻飯碗, 而你亦持續地加水落去. 如是這般, 你就可以有一湯煲的水啦…… 夢係咁發啦, 如果在古代, 咁樣就代表你得道成仙啦!
<13 July, 2010 Update>
Eg.你個溶器下面係茶杯上面係筲箕, 怎樣你D水都係冇多到, 日復一日, 你覺得唔對路, 但日子仍然係咁過. (在我的年齡, 最多人係咁, 我都唔肯定自己係唔係一份子……)
Magic Moments 