20250827 合唱小技巧

近呢一兩年參加咗church choir ，近排練緊一套難度非常高嘅合唱曲目，音又高又多字速度又快，我估我到表演嗰陣時都未必練到啲字，有啲高音位嘅字都要啦咗佢就算。

近排四部開始一齊練啦，就會發生同一個聲部出現兩三條龍嘅情況，但值得一讚嘅係，大家都係好有經驗嘅Choir，發現唔妥嘅時候，大家都會停一停，聽返個beat ，再跟返大隊。

因為我哋係合唱，冇必要好似solo咁樣，the show must go on。你跟唔到個beat。唔代表人哋跟唔到，所以發現唔對路，停一停都係要值得一讚嘅。

就好似人生咁樣，你發現好似唔對路喎，智者都係會叫你停一停，靜一靜，諗一諗，再決定你嘅前路，最後先至跟返個社會節奏，重新上路。

所以Church Choir咁值得人參加就因為你會發掘到好多道理喺入邊，對你做人做事都好有得着。