中國功夫

最近，我成功用一啖氣游了25米，這當然係我苦練左幾廿年嘅功力。我最鍾意係水裏面感受大自然和自己嘅關係。

我細個嘅時候，就會出盡力去游，但點都游得唔快。當時，當然覺得係我嘅技術未到呢。所以，我不斷改善我嘅姿勢。速度係有改善，但我發現到水嘅阻力，可能先至係關鍵。但係水嘅阻力，我改變不了。

知道嘅時候好沮喪，但仍然明白到世界唔係圍住我轉。所以，我改為用一啖氣可以游幾耐。游到25米係一個里程碑，但最近更加體會到中國功夫裏面氣嘅運用。

我對中國功夫嘅認知，係盡量發揮自己嘅潛能。氣嘅運用係其中一瓣。我嘅認知係，人嘅動作係靠氧氣和血糖產生嘅能量黎移動，點樣提升氧氣嘅燃燒效率就係關鍵。呢個係我嘅估計，有可能係，其實我只不過係增加左肺活量⋯⋯